Budyšyn

51.18352
14.4352

pomniki a wopomnjeńske tofle

Wopomnišćo za w lěće 1945 blisko Budyšina zamordowanych 92 sowjetskich a pólskich wójnskich jatych z napisami w ruskej, pólskej, němskej a serbskej rěči.
Čestny pomnik při Budyskim Cyhelskim nasypje bu 22.6.1961, składnostnje 20. róčnicy němskeho nadpada na Sowjetski zwjazk, poswjećeny. Plestrowany puć a ze štworymi schodami wuhotowane schody wjedu na plateau z pjeć wopomnjenskimi taflemi. Cyłe wopomnišćo je ze zornowca wuhotowane. Tafle maja napisy w ruskej a w pólskej rěči. Wyše plateauwa je pomnik we formje sarkofaga zaměstnjeny, na prědnjej stronje ma napisy w ruskej, pólskej, němskej a serbskej rěči.
Wopomnišćo bu 22.6.1961, składnostnje 20. róčnicy němskeho nadpada na Sowjetski zwjazk, poswjećene. Swjatočnje wuhotowane přepodaće so jako masowa demonstracija inscenowaše, po rozprawach wobdźěli so 10 000 ludźi. W tutym zwisku pochowachu 92 popjelnicow sowjetskich a pólskich wójnskich jatych, kotrychž běchu němscy wojacy kónc apryla/spočatk meje w lěsu pola Noweho Wuježka (85 zamordowanych) a pola Mješic (7 zamordowanych) zatřělili a zahrjebali.
Dalše wopomnišća za woporow tutych njeskutkow namakamy na městnje zamordowanja w lěsu blisko Noweho Wuježka (wopomnjenski kamjeń – wotkryty tohorunja 22.6.1961) kaž tež na spočatku Wuježka (čestny pomnik – woswjećeny dnja 10.9.1961).

Malinkowa, Trudla
(01.12.2025)

Na wopomnjenje zamordowanych sowjetskich a pólskich wojakow, Nowa doba 15(28.6.1961)148 Die Toten mahnen, Bautzener Kulturschau 11(1961)9, S. 2–5 Erich Lodni, Gedenkstätten für polnische Helden, Bautzener Kulturschau 18(1968)12, S. 27–31, S. 28 Erich Lodni, Gedenkstätten der Bautzener Arbeiterbewegung, Bautzener Kulturschau 19(1969)9, S. 3 Für ein Leben in Frieden, Bautzener Kulturschau 25(1975)4, S. 4–7, S. 6 Gedenkstätten: Arbeiterbewegung, Antifaschistischer Widerstand, Aufbau des Sozialismus, Urania-Verlag Leipzig, Jena, Berlin 1974, S. 415

Foto 1
Foto 2