Cyrkej našeje lubeje knjenje
Place
Budyšin
Place
Budyšin
Coordinates
51.18081
14.42888
14.42888
Coordinates
51.18081
14.42888
Category
About the object
Unfortunately, this description is not available in English right now.
Cyrkej našeje lubeje knjenje je z lěta 1647 serbska katolska cyrkej Budyšina. Jednory barokny twar ze swojej charakteristiskej wěžu słuža přez lětstotki jako duchowne srjedźišćo katolskich Serbow a bě skutkowanišćo mnoho wuznamnych duchownych.
Cyrkej našeje lubeje knjenje je prosta žurlowa cyrkej. Łódź ma štyri wotdźěle, wołtarnišćo ma tak mjenowane 3/8-wotzamknjenje. Na sewjernej stronje steji třiposchodowa wěža z přitwarjenej schodownju. Wobłukojće zhibowanu třěchu wotzamknje na cyblu podobna laterna. Zachodowa hala na zapadnej stronje a přitwark na južnej stronje twarjenje wudospołnitej. We łódźi wuhladamy wokna z kónčkatymi wobłukami kiž su zdźěla z ornamentami wupyšene. Na zapadnej fasadźe napadnje nowogotiska woknowa rozeta.
Wot lěta 1647 słuži Cyrkej našeje lubeje knjenje Budyskej serbskej katolskej wosadźe. Do toho běše Mikławska cyrkej farska cyrkej katolskich Serbow w měsće a we wokolinje. Tuta pak bu při woblěhowanju města w lěće 1620 zničena. Plan wo znowanatwarjenju cyrkwje Budyske tachantstwo 1634 definitiwnje cofny a přepołoži wosadu do Cyrkwje našeje lubeje knjenje. Mjeztym zo běše wosada tuteje cyrkwje mjez lětomaj 1927 a 1984 samostatna, je dźensa zaso dźěl katolskeje tachantskeje wosady swjateho Pětra w Budyšinje.
Cyrkej našeje lubeje knjenje běše přez lětstotki duchowne srjedźišćo katolskich Serbow w Budyšinje a we wokolinje. Mnoho wuznamnych duchownych skutkowaše tu jako fararjo a kantorojo, mjez nimi:
- Jakub Anton Kilian (1683–1759), farar 1723–1733
- Jan Michał Wałda (1721–1794), farar 1755–1759
- Michał Hórnik (1833–1894), farar 1871–1891
- Jakub Skala (1851–1925), farar 1891–1903
- Jan Rječka (1878–1915), kantor 1900–1914
About the object
Unfortunately, this description is not available in English right now.
Cyrkej našeje lubeje knjenje je z lěta 1647 serbska katolska cyrkej Budyšina. Jednory barokny twar ze swojej charakteristiskej wěžu słuža přez lětstotki jako duchowne srjedźišćo katolskich Serbow a bě skutkowanišćo mnoho wuznamnych duchownych.
Cyrkej našeje lubeje knjenje je prosta žurlowa cyrkej. Łódź ma štyri wotdźěle, wołtarnišćo ma tak mjenowane 3/8-wotzamknjenje. Na sewjernej stronje steji třiposchodowa wěža z přitwarjenej schodownju. Wobłukojće zhibowanu třěchu wotzamknje na cyblu podobna laterna. Zachodowa hala na zapadnej stronje a přitwark na južnej stronje twarjenje wudospołnitej. We łódźi wuhladamy wokna z kónčkatymi wobłukami kiž su zdźěla z ornamentami wupyšene. Na zapadnej fasadźe napadnje nowogotiska woknowa rozeta.
Wot lěta 1647 słuži Cyrkej našeje lubeje knjenje Budyskej serbskej katolskej wosadźe. Do toho běše Mikławska cyrkej farska cyrkej katolskich Serbow w měsće a we wokolinje. Tuta pak bu při woblěhowanju města w lěće 1620 zničena. Plan wo znowanatwarjenju cyrkwje Budyske tachantstwo 1634 definitiwnje cofny a přepołoži wosadu do Cyrkwje našeje lubeje knjenje. Mjeztym zo běše wosada tuteje cyrkwje mjez lětomaj 1927 a 1984 samostatna, je dźensa zaso dźěl katolskeje tachantskeje wosady swjateho Pětra w Budyšinje.
Cyrkej našeje lubeje knjenje běše přez lětstotki duchowne srjedźišćo katolskich Serbow w Budyšinje a we wokolinje. Mnoho wuznamnych duchownych skutkowaše tu jako fararjo a kantorojo, mjez nimi:
- Jakub Anton Kilian (1683–1759), farar 1723–1733
- Jan Michał Wałda (1721–1794), farar 1755–1759
- Michał Hórnik (1833–1894), farar 1871–1891
- Jakub Skala (1851–1925), farar 1891–1903
- Jan Rječka (1878–1915), kantor 1900–1914
Object description author
Malinkowa, Trudla
(12/01/2025)
(12/01/2025)
Object description author
Malinkowa, Trudla
(12/01/2025)
References
Georg Dehio, Handbuch der deutschen Kunstdenkmäler, Sachsen I: Regierungsbezirk
Dresden, München 1996, S. 31–32
Richard Reymann, Geschichte der Stadt Bautzen, Bautzen 1902, S. 287–297
Krajan 3: Wosady našeje domizny, Leipzig 1984, S. 5–6, 16–19
Bautzen und seine Kirchen, Leipzig 1996, S. 38–40
Nowy biografiski słownik k stawiznam a kulturje Serbow, Bautzen 1984
References
Georg Dehio, Handbuch der deutschen Kunstdenkmäler, Sachsen I: Regierungsbezirk
Dresden, München 1996, S. 31–32
Richard Reymann, Geschichte der Stadt Bautzen, Bautzen 1902, S. 287–297
Krajan 3: Wosady našeje domizny, Leipzig 1984, S. 5–6, 16–19
Bautzen und seine Kirchen, Leipzig 1996, S. 38–40
Nowy biografiski słownik k stawiznam a kulturje Serbow, Bautzen 1984
Photos