Napismowa tafla při farje swj. Michała
Place
Wokrjes Budyšin
Place
Wokrjes Budyšin
Coordinates
51.18105
14.42103
14.42103
Coordinates
51.18105
14.42103
Category
About the object
Unfortunately, this description is not available in English right now.
Tuta w lěće 1802 stworjena napismowa tafla při Michałske farje płaći jako najstarše napismo na twarjenju po cyłym serbskim rěčnym teritoriji. Wuhotowana w zwisku z twarom domu diakonata a cyrkwinskeje šule a swědči wo serbskim razu wosady spočatk 19. lětstotka.
Budyska tafla měješe swoje prěnjotne městno nad dwojemi durjemi zachoda domskeho, kotryž bu 1802 jako diakonat a 1804 jako cyrkwinska šula natwarjeny. W napismje čitamy:
„Přez Božu miłosć,
Přez dobru wyšnosć,
Přez Sserbow lubosć
1802.“
W lěće 1802 skutkowaštaj na Michałske cyrkwi farar Michał Hilbjenc a diakon Jan Handrij Kapler, znataj jako přełožowarjej a awtoraj serbskich spisow. Zhromadnje přełožištaj 1813 saksku agendu do hornjoserbšćiny. Iniciatiwa za dwójny twar diakonata/šule wuńdźe wot Kaplera, prawdźepodobnje staj wobaj duchownaj za serbski napis zamołwitaj. Tafla dokumentuje, zo bě wosada spočatk 19. lětstotka hišće ryzy serbska a sej tež jako tajku rozumješe. Hakle wot lěta 1836 wotměwaja so tu tež němskorěčne kemše.
Twarjenje diakonata/cyrkwinskeje šule so w poslednich wójnskich dnjach 1945 dospołnje zniči, kónc 1940tych lět so jako wosadny a farski dom znowa natwari. Tafla z napismom zasadźichu do přitwarka nad zachodom, Jako so tutón wokoło 1990 znowa natwari, bu tež tafla na skoro samsne městno zasadźena.
W lěće 2002 – składnostnje tysaclětneje róčnicy města a dwustoteje róčnicy tafle – přewjedźe Budyski restawrator Uwe Konjen w nadawku Serbskeho ewangelskeho towarstwa restawraciju. Tutu financowachu dary ze serbskeho wobydlerstwa a swójski přinošk Michałskeje wosady. Znowaposwjećenje wotmě so 9. junija 2002 w ramiku 56. Serbskeho ewangelskeho cyrkwinskeho dnja.
About the object
Unfortunately, this description is not available in English right now.
Tuta w lěće 1802 stworjena napismowa tafla při Michałske farje płaći jako najstarše napismo na twarjenju po cyłym serbskim rěčnym teritoriji. Wuhotowana w zwisku z twarom domu diakonata a cyrkwinskeje šule a swědči wo serbskim razu wosady spočatk 19. lětstotka.
Budyska tafla měješe swoje prěnjotne městno nad dwojemi durjemi zachoda domskeho, kotryž bu 1802 jako diakonat a 1804 jako cyrkwinska šula natwarjeny. W napismje čitamy:
„Přez Božu miłosć,
Přez dobru wyšnosć,
Přez Sserbow lubosć
1802.“
W lěće 1802 skutkowaštaj na Michałske cyrkwi farar Michał Hilbjenc a diakon Jan Handrij Kapler, znataj jako přełožowarjej a awtoraj serbskich spisow. Zhromadnje přełožištaj 1813 saksku agendu do hornjoserbšćiny. Iniciatiwa za dwójny twar diakonata/šule wuńdźe wot Kaplera, prawdźepodobnje staj wobaj duchownaj za serbski napis zamołwitaj. Tafla dokumentuje, zo bě wosada spočatk 19. lětstotka hišće ryzy serbska a sej tež jako tajku rozumješe. Hakle wot lěta 1836 wotměwaja so tu tež němskorěčne kemše.
Twarjenje diakonata/cyrkwinskeje šule so w poslednich wójnskich dnjach 1945 dospołnje zniči, kónc 1940tych lět so jako wosadny a farski dom znowa natwari. Tafla z napismom zasadźichu do přitwarka nad zachodom, Jako so tutón wokoło 1990 znowa natwari, bu tež tafla na skoro samsne městno zasadźena.
W lěće 2002 – składnostnje tysaclětneje róčnicy města a dwustoteje róčnicy tafle – přewjedźe Budyski restawrator Uwe Konjen w nadawku Serbskeho ewangelskeho towarstwa restawraciju. Tutu financowachu dary ze serbskeho wobydlerstwa a swójski přinošk Michałskeje wosady. Znowaposwjećenje wotmě so 9. junija 2002 w ramiku 56. Serbskeho ewangelskeho cyrkwinskeho dnja.
Photos