Hosćenc a hotel „Tachantski róžk“
Place
Wokrjes Budyšin
Place
Wokrjes Budyšin
Coordinates
51.18282
14.42455
14.42455
Coordinates
51.18282
14.42455
Category
About the object
Unfortunately, this description is not available in English right now.
„Tachantski róžk“ natwarichu mjez lětomaj 1946 a 1950 jako serbski hosćenc. Bórze sta so z wažnym zetkanišćom Budyskich Serbow.
Serb Horst Lolk koncipowaše „Tachantski róžk“ wědomje jako kulturne zetkanišćo Budyskich Serbow, kotrymž po zničenju Serbskeho domu w poslednich dnjach Druheje swětoweje wójny přirunajomna městnosć pobrachowaše.
Kulturelny narok zwobrazni Lolk z šěsć barbnymi wołojanymi woknami po naćiskach Měrćina Nowaka-Njechorńskeho. Hosćenc bu w lěće 1950 wotewrjeny, wobsedźer přenajimaše jeho na Wikowansku organizaciju NDR (HO) – z tym bě hosćenc prěni tuteje organizacije w Budyšinje. Spěšnje wuwiwaše so „Tachantski róžk“ na woblubowane zetkanišćo Budyskich Serbow, na kotrymž hajachu rěč a bjesadu. Załožer Horst Lolk přesydli so w lěće 1953 do Zapadneje Němskeje.
Wokoło lěta 1996 kupištaj Stefan a Weronika Malink mjez tym wopušćene twarjenje a daštaj jeho 1997/1998 na serbski hotel přetwarić. Při ponowjenju restawrowachu tež wołojowe wokna z motiwami Nowaka-Njechorńskeho, nutřkowne rumnosće wuhotowachu z twórbami serbskich wuměłcow kaž Wylem Šybaŕ, Wórša Lanzyna a Hana Wićazowa.
Z časa nowowotewrjenja 1998 prezentuje so hotel „Tachantski róžk“ jako jónkrótna městnosć, na kotrymž hosćo jenož nóclěh njenamakaja, ale tež serbsku rěč, kulturu a serbske wuměłstwo dožiwić zamóža. Z tym nawjazuje tutón dom na swoju prěnjotnu mysličku jako městno zetkawanja ze Serbami.
About the object
Unfortunately, this description is not available in English right now.
„Tachantski róžk“ natwarichu mjez lětomaj 1946 a 1950 jako serbski hosćenc. Bórze sta so z wažnym zetkanišćom Budyskich Serbow.
Serb Horst Lolk koncipowaše „Tachantski róžk“ wědomje jako kulturne zetkanišćo Budyskich Serbow, kotrymž po zničenju Serbskeho domu w poslednich dnjach Druheje swětoweje wójny přirunajomna městnosć pobrachowaše.
Kulturelny narok zwobrazni Lolk z šěsć barbnymi wołojanymi woknami po naćiskach Měrćina Nowaka-Njechorńskeho. Hosćenc bu w lěće 1950 wotewrjeny, wobsedźer přenajimaše jeho na Wikowansku organizaciju NDR (HO) – z tym bě hosćenc prěni tuteje organizacije w Budyšinje. Spěšnje wuwiwaše so „Tachantski róžk“ na woblubowane zetkanišćo Budyskich Serbow, na kotrymž hajachu rěč a bjesadu. Załožer Horst Lolk přesydli so w lěće 1953 do Zapadneje Němskeje.
Wokoło lěta 1996 kupištaj Stefan a Weronika Malink mjez tym wopušćene twarjenje a daštaj jeho 1997/1998 na serbski hotel přetwarić. Při ponowjenju restawrowachu tež wołojowe wokna z motiwami Nowaka-Njechorńskeho, nutřkowne rumnosće wuhotowachu z twórbami serbskich wuměłcow kaž Wylem Šybaŕ, Wórša Lanzyna a Hana Wićazowa.
Z časa nowowotewrjenja 1998 prezentuje so hotel „Tachantski róžk“ jako jónkrótna městnosć, na kotrymž hosćo jenož nóclěh njenamakaja, ale tež serbsku rěč, kulturu a serbske wuměłstwo dožiwić zamóža. Z tym nawjazuje tutón dom na swoju prěnjotnu mysličku jako městno zetkawanja ze Serbami.
Photos