XS
SM
MD
LG
XL
XXL
🌐

Wopomnjenska tafla za załoženje Budyskeje skupiny KPD

Place
Budyšin
Place
Budyšin
Coordinates
51.1762
14.42141
Coordinates
51.1762
14.42141
Category
memorials and commemorative plaques
Category
memorials and commemorative plaques
About the object
Unfortunately, this description is not available in English right now.

Na zapadnej stronje terasy něhdyšeho hosćenca „Tři lipy“ dopomina dwurěčna zornowcowa tafla na załoženje Budyskeje skupiny KPD w oktobrje lěta 1919.
Na zapadnej stronje zepěranskeje murje terasy něhdyšeho hosćenca „Tři lipy“ namakamy wopomnjensku taflu, kotraž spomina na załoženje Budyskeje skupiny KPD. Napis je zdźěla z čerwjenej barbu wumolowany, z blakami pak hižo wusmahnjeny. Teren před taflu je jako małe wopomnišćo wuhotowany: złaha powyšeny plateau, wobhrodźeny wot niskeje zornowceje murje a přistupny přez troje schody. Plateau z betonowych platow wobdadźa kastanija, jałorc a tuja.
Tafla wopomina na załoženje Budyskeje měšćanskeje skupiny Komunistiskeje strony Němskeje (KPD) we winowcu lěta 1919 w tutym hosćencu „Tři lipy“. Je to zažny swědk dźěłaćerskeho hibanja w Hornjej Łužicy.
Kulturnostawiznisce zajimawe je dwurěčne wuhotowanje napisma. Němčina a serbšćina stejitej runohódnje pódla so – wuraz w NDR oficielnje propagowaneje a husto demonstratiwnje inscenowaneje runohódnosće serbskeje a němskeje rěče. Nihdy njekorigowany prawopisny zmylk w serbskim teksće wšak pokazuje zdobom na hranicy propagowaneho runostajenja Serbow. Zdobom ilustruje kak jara so škit mjeńšin tuteje doby druhdy w formulach pozhubjowaše.
Iniciator wopomnjenskeje tafle bě Budyske wokrjesne wjednistwo SED. Naćisk a wuhotowanje wobstara Budyski rězbar Johannes Hase. Tafla bu 3. oktobra 1969 swjatočnje wotkryta.
About the object
Unfortunately, this description is not available in English right now.
Na zapadnej stronje terasy něhdyšeho hosćenca „Tři lipy“ dopomina dwurěčna zornowcowa tafla na załoženje Budyskeje skupiny KPD w oktobrje lěta 1919.
Na zapadnej stronje zepěranskeje murje terasy něhdyšeho hosćenca „Tři lipy“ namakamy wopomnjensku taflu, kotraž spomina na załoženje Budyskeje skupiny KPD. Napis je zdźěla z čerwjenej barbu wumolowany, z blakami pak hižo wusmahnjeny. Teren před taflu je jako małe wopomnišćo wuhotowany: złaha powyšeny plateau, wobhrodźeny wot niskeje zornowceje murje a přistupny přez troje schody. Plateau z betonowych platow wobdadźa kastanija, jałorc a tuja.
Tafla wopomina na załoženje Budyskeje měšćanskeje skupiny Komunistiskeje strony Němskeje (KPD) we winowcu lěta 1919 w tutym hosćencu „Tři lipy“. Je to zažny swědk dźěłaćerskeho hibanja w Hornjej Łužicy.
Kulturnostawiznisce zajimawe je dwurěčne wuhotowanje napisma. Němčina a serbšćina stejitej runohódnje pódla so – wuraz w NDR oficielnje propagowaneje a husto demonstratiwnje inscenowaneje runohódnosće serbskeje a němskeje rěče. Nihdy njekorigowany prawopisny zmylk w serbskim teksće wšak pokazuje zdobom na hranicy propagowaneho runostajenja Serbow. Zdobom ilustruje kak jara so škit mjeńšin tuteje doby druhdy w formulach pozhubjowaše.
Iniciator wopomnjenskeje tafle bě Budyske wokrjesne wjednistwo SED. Naćisk a wuhotowanje wobstara Budyski rězbar Johannes Hase. Tafla bu 3. oktobra 1969 swjatočnje wotkryta.
Object description author
Malinkowa, Trudla
(12/01/2025)
Object description author
Malinkowa, Trudla
(12/01/2025)
References
Erich Lodni, Gedenkstätten der Bautzener Arbeiterbewegung, Bautzener Kulturschau 19 (1969) 9, S. 1–2 Erich Lodni, Gedenkstätte der Bautzener Arbeiterbewegung, Bautzener Kulturschau 19 (1969) 11, S. 4–5 Foto: Nowa doba 23 (17.10.1969) 246 Foto: Bautzener Kulturschau 22(1972)6, S. 2 Gedenkstätten: Arbeiterbewegung, Antifaschistischer Widerstand, Aufbau des Sozialismus, Urania-Verlag Leipzig, Jena, Berlin 1974, S. 414
References
Erich Lodni, Gedenkstätten der Bautzener Arbeiterbewegung, Bautzener Kulturschau 19 (1969) 9, S. 1–2 Erich Lodni, Gedenkstätte der Bautzener Arbeiterbewegung, Bautzener Kulturschau 19 (1969) 11, S. 4–5 Foto: Nowa doba 23 (17.10.1969) 246 Foto: Bautzener Kulturschau 22(1972)6, S. 2 Gedenkstätten: Arbeiterbewegung, Antifaschistischer Widerstand, Aufbau des Sozialismus, Urania-Verlag Leipzig, Jena, Berlin 1974, S. 414
Photos
Photos