Michałska cyrkej
Place
Budyšin
Place
Budyšin
Coordinates
51.18106
14.42097
14.42097
Coordinates
51.18106
14.42097
Category
About the object
Unfortunately, this description is not available in English right now.
Michałska cyrkej, natwarjena w druhej połojcy 15. lětstotka, je mała gotiska halowa cyrkej. Z lěta 1619 je Boži dom serbskeje ewangelskeje wosady Budyšina.
Michałska cyrkej bu w druhej połojcy 15. lětstotka jako mała halowa cyrkej natwarjena. Wona ma tři łódźe, wołtarnišćo je wuše hač cyrkwinske łódźe, při tym je pak kusk do dołhosće podlěšene. Murje wobsteja z łamanych kamjenjow kotrež su přez podpěranske stołpy rozdźělene. Na južnej stronje wołtarnišća steji wěža, kotraž je horjeka kołowokoło z wobornej chódbu wuhotowana. Nimo toho je w hornim dźělu z pasmom slepych woknow wobdata. Wěžu wotzamknje třěcha, kotraž je we formje na nahłownik podobna a pochadźa po zdaću hakle w 17. lětstotku.
Wot lěta 1619 je serbska ewangelska cyrkej města. W tutym lěće přepodachu Michałsku cyrkej ewangelskim Serbam wokolnych wsow. Přistajichu prěnjeho serbskeho fararja. Ze załoženjom diakonata 1690 so druhe farske městno zarjadowa. Rjad wuznamnych duchownych skutkowaše w Michałskej cyrkwi, mjez nimi:
- Jan Ast (1655–1733), farar Michałskeje cyrkwje 1690–1733, sobuwudawaćel prěnich ewangelskich serbskich spěwarskich (1710)
- Michał Raca (1657–1730), diakon Michałskeje cyrkwje 1690–1730, sobupřełožer a -wudawaćel serbskich nabožnych spisow: Mały katechizm (1693), sćenje (1695), agenda (1696), Psalmy Dawidowe (1703)
- Michał Hilbjenc (1758–1816), diakon Michałskeje cyrkwje 1787–1797, farar na samsnym městnje 1797–1816, sobupřełožer noweje sakskeje agendy do serbšćiny (1813)
- Handrij Lubjenski (1790–1840), diakon Michałskeje cyrkwje 1817–1827, farar na samsnym městnje 1827–1831, pućrubar serbskeho narodneho wozrodźenja, wudawaćel serbskeje biblije (1821 a 1823) a serbskich spěwarskich (1839), wudźeržowaše kontakty k wuznamnym słowjanskim wučenym
Dlěje hač 200 lět so wšitke kemše a hamtske jednanja bjezwuwzaćnje w serbskej rěči wotměwachu. Hakle wot lěta 1836 wužiwachu, we formje małeje ličby Božich wotkazanjow wob lěto, tež němsku rěč. Přiběraceho přeněmčenja zafarowanych wsow dla přiběraše wužiwanje němskeje rěče lětdźesatk wob lětdźesatk
Spočatk 21. lětstotka swjeća wěriwi w Michałskej cyrkwi prawidłownje jónu wob měsac serbske kemše. Po dlěšej přestawce wotměwaja so tež zaso serbske konfirmacije. Z tym je Michałska cyrkej jedna z mało měšćanskich cyrkwjow we Łužicy, w kotrychž so hišće prawidłownje Bože słužby w serbskej rěči wotměwaja.
About the object
Unfortunately, this description is not available in English right now.
Michałska cyrkej, natwarjena w druhej połojcy 15. lětstotka, je mała gotiska halowa cyrkej. Z lěta 1619 je Boži dom serbskeje ewangelskeje wosady Budyšina.
Michałska cyrkej bu w druhej połojcy 15. lětstotka jako mała halowa cyrkej natwarjena. Wona ma tři łódźe, wołtarnišćo je wuše hač cyrkwinske łódźe, při tym je pak kusk do dołhosće podlěšene. Murje wobsteja z łamanych kamjenjow kotrež su přez podpěranske stołpy rozdźělene. Na južnej stronje wołtarnišća steji wěža, kotraž je horjeka kołowokoło z wobornej chódbu wuhotowana. Nimo toho je w hornim dźělu z pasmom slepych woknow wobdata. Wěžu wotzamknje třěcha, kotraž je we formje na nahłownik podobna a pochadźa po zdaću hakle w 17. lětstotku.
Wot lěta 1619 je serbska ewangelska cyrkej města. W tutym lěće přepodachu Michałsku cyrkej ewangelskim Serbam wokolnych wsow. Přistajichu prěnjeho serbskeho fararja. Ze załoženjom diakonata 1690 so druhe farske městno zarjadowa. Rjad wuznamnych duchownych skutkowaše w Michałskej cyrkwi, mjez nimi:
- Jan Ast (1655–1733), farar Michałskeje cyrkwje 1690–1733, sobuwudawaćel prěnich ewangelskich serbskich spěwarskich (1710)
- Michał Raca (1657–1730), diakon Michałskeje cyrkwje 1690–1730, sobupřełožer a -wudawaćel serbskich nabožnych spisow: Mały katechizm (1693), sćenje (1695), agenda (1696), Psalmy Dawidowe (1703)
- Michał Hilbjenc (1758–1816), diakon Michałskeje cyrkwje 1787–1797, farar na samsnym městnje 1797–1816, sobupřełožer noweje sakskeje agendy do serbšćiny (1813)
- Handrij Lubjenski (1790–1840), diakon Michałskeje cyrkwje 1817–1827, farar na samsnym městnje 1827–1831, pućrubar serbskeho narodneho wozrodźenja, wudawaćel serbskeje biblije (1821 a 1823) a serbskich spěwarskich (1839), wudźeržowaše kontakty k wuznamnym słowjanskim wučenym
Dlěje hač 200 lět so wšitke kemše a hamtske jednanja bjezwuwzaćnje w serbskej rěči wotměwachu. Hakle wot lěta 1836 wužiwachu, we formje małeje ličby Božich wotkazanjow wob lěto, tež němsku rěč. Přiběraceho přeněmčenja zafarowanych wsow dla přiběraše wužiwanje němskeje rěče lětdźesatk wob lětdźesatk
Spočatk 21. lětstotka swjeća wěriwi w Michałskej cyrkwi prawidłownje jónu wob měsac serbske kemše. Po dlěšej přestawce wotměwaja so tež zaso serbske konfirmacije. Z tym je Michałska cyrkej jedna z mało měšćanskich cyrkwjow we Łužicy, w kotrychž so hišće prawidłownje Bože słužby w serbskej rěči wotměwaja.
Object description author
Malinkowa, Trudla
(12/01/2025)
(12/01/2025)
Object description author
Malinkowa, Trudla
(12/01/2025)
References
Die Oberlausitz als besondere Abtheilung von Sachsens Kirchengalerie, Dresden o. J., S. 383
Neue Sächsische Kirchengalerie, Die Diöcese Bautzen, Leipzig o. J., Sp. 41–56
Cornelius Gurlitt, Beschreibende Darstellung der älteren Bau- und Kunstdenkmäler
Des Königreichs Sachsen, 33. Heft: Bautzen (Stadt), Dresden 1909, S. 69–76
Georg Dehio, Handbuch der deutschen Kunstdenkmäler, Sachsen I: Regierungsbezirk
Dresden, Deutscher Kunstverlag 1996, S. 33–34
Kurze Geschichte der Kirchgemeinde St. Michael in Budißin, bey
Gelegenheit ihrer
zweyhundertjährigen Jubelfeyer abgefaßt von Wilhelm Mitschke, Budißin o. J. /1819/
Festschrift der Gemeinde zu St. Michael in Bautzen zur dreihundertjährigen Dankfeier am
1. Advent 1919 von ihren Geistlichen gewidmet, Bautzen 1919
Richard Reymann, Geschichte der Stadt Bautzen, Bautzen 1902, Reprint Bautzen 1990,
S. 347–360
Christine Seele und Siegfried Seifert, Bautzen und seine Kirchen, Leipzig 1996, S. 41–44
Nowy biografiski słownik k stawiznam a kulturje Serbow, Bautzen 1984
Arnošt Muka, Statistika Serbow sakskeho kralestwa, Časopis Maćicy Serbskeje 39 (1886),
S. 66
Trudla Malinkowa, Serbske ewangelske cyrkwje w městach Hornjeje Łužicy,
Serbska protyka 2003, S. 48–51, S. 51
Jan Malink, Michałska cyrkej w Budyšinje, Serbska protyka 2009, S. 53–55
Zur Erneuerung 2005–2007:
Vielzahl von Beiträgen in dt. und sorb. Medien, Auswahl siehe Anlage
References
Die Oberlausitz als besondere Abtheilung von Sachsens Kirchengalerie, Dresden o. J., S. 383
Neue Sächsische Kirchengalerie, Die Diöcese Bautzen, Leipzig o. J., Sp. 41–56
Cornelius Gurlitt, Beschreibende Darstellung der älteren Bau- und Kunstdenkmäler
Des Königreichs Sachsen, 33. Heft: Bautzen (Stadt), Dresden 1909, S. 69–76
Georg Dehio, Handbuch der deutschen Kunstdenkmäler, Sachsen I: Regierungsbezirk
Dresden, Deutscher Kunstverlag 1996, S. 33–34
Kurze Geschichte der Kirchgemeinde St. Michael in Budißin, bey
Gelegenheit ihrer
zweyhundertjährigen Jubelfeyer abgefaßt von Wilhelm Mitschke, Budißin o. J. /1819/
Festschrift der Gemeinde zu St. Michael in Bautzen zur dreihundertjährigen Dankfeier am
1. Advent 1919 von ihren Geistlichen gewidmet, Bautzen 1919
Richard Reymann, Geschichte der Stadt Bautzen, Bautzen 1902, Reprint Bautzen 1990,
S. 347–360
Christine Seele und Siegfried Seifert, Bautzen und seine Kirchen, Leipzig 1996, S. 41–44
Nowy biografiski słownik k stawiznam a kulturje Serbow, Bautzen 1984
Arnošt Muka, Statistika Serbow sakskeho kralestwa, Časopis Maćicy Serbskeje 39 (1886),
S. 66
Trudla Malinkowa, Serbske ewangelske cyrkwje w městach Hornjeje Łužicy,
Serbska protyka 2003, S. 48–51, S. 51
Jan Malink, Michałska cyrkej w Budyšinje, Serbska protyka 2009, S. 53–55
Zur Erneuerung 2005–2007:
Vielzahl von Beiträgen in dt. und sorb. Medien, Auswahl siehe Anlage
Photos