Ludowe nakładnistwo Domowina a Smolerjec kniharnja
Place
Wokrjes Budyšin
Place
Wokrjes Budyšin
Coordinates
51.17933
14.43003
14.43003
Coordinates
51.17933
14.43003
Category
About the object
Unfortunately, this description is not available in English right now.
Bydlenski a wobchodowy dom z doby wokoło 1890 je z lěta 1958 sydło nakładnistwa Domowina. Do toho běše tu jednaćelnja Domowiny kaž tež prěnja serbska kniharnja po Druhej swětowej wójnje. Wot lěta 2006 ma Smolerjec serbska kniharnja w historiskich rumnosćach swój domicil.
Bydlenski a wobchodowy dom při róžku dweju hasow bu 1890 natwarjeny a dźěl zwisowaceho rjadu twarjenjow. Na dworje steji nowotwar z lěta 1994.
Hižo w pózdnim 19. lětstotku bě dom zetkanišćo serbskeho žiwjenja. Wokoło 1890/1891 schadźowachu so w prěnim poschodźe hosćenca „Piwowy hród“ prawidłownje čłonojo Budyskeje serbskeje inteligency na zeńdźenjach z mjenom „Serbske blido“. Tehdyši korčmar Hermann Rachlitz wabješe w nawěškach zaměrnje ze sadu „Pola mje so serbski rěči“ serbskich hosći. Pozdźišo běše dom jako „Rachlicec hotel“ znaty.
Po Druhej swětowej wójnje měješe tudy Domowina swoje sydło. Z wotewrjenom Serbskeho domu na Póštowym naměsće 1956 přećahny zarjadnistwo do noweho twarjenja. W přizemju bě wot 1. decembra 1948 hač do junija 1950 prěnja serbska kniharnja po Druhej swětowej wójnje zaměstnjena. Arnošt Simon tutu kniharnju wobhospodarješe. Wot lěta 1958 ma Ludowe nakładnistwo Domowina w twarjenju swoje sydło, w kotrehož zamołwitosći skoro wšitke knižne publikacije, nowiny a časopisy w serbskej rěči wuńdu.
W lěću 2006 nawróći so serbska kniharnja do domu. Něhdyšu hosćernju w přizemju historiskeho hosćenca wužiwa Smolerjec kniharnja dźensa jako předawarnju.
About the object
Unfortunately, this description is not available in English right now.
Bydlenski a wobchodowy dom z doby wokoło 1890 je z lěta 1958 sydło nakładnistwa Domowina. Do toho běše tu jednaćelnja Domowiny kaž tež prěnja serbska kniharnja po Druhej swětowej wójnje. Wot lěta 2006 ma Smolerjec serbska kniharnja w historiskich rumnosćach swój domicil.
Bydlenski a wobchodowy dom při róžku dweju hasow bu 1890 natwarjeny a dźěl zwisowaceho rjadu twarjenjow. Na dworje steji nowotwar z lěta 1994.
Hižo w pózdnim 19. lětstotku bě dom zetkanišćo serbskeho žiwjenja. Wokoło 1890/1891 schadźowachu so w prěnim poschodźe hosćenca „Piwowy hród“ prawidłownje čłonojo Budyskeje serbskeje inteligency na zeńdźenjach z mjenom „Serbske blido“. Tehdyši korčmar Hermann Rachlitz wabješe w nawěškach zaměrnje ze sadu „Pola mje so serbski rěči“ serbskich hosći. Pozdźišo běše dom jako „Rachlicec hotel“ znaty.
Po Druhej swětowej wójnje měješe tudy Domowina swoje sydło. Z wotewrjenom Serbskeho domu na Póštowym naměsće 1956 přećahny zarjadnistwo do noweho twarjenja. W přizemju bě wot 1. decembra 1948 hač do junija 1950 prěnja serbska kniharnja po Druhej swětowej wójnje zaměstnjena. Arnošt Simon tutu kniharnju wobhospodarješe. Wot lěta 1958 ma Ludowe nakładnistwo Domowina w twarjenju swoje sydło, w kotrehož zamołwitosći skoro wšitke knižne publikacije, nowiny a časopisy w serbskej rěči wuńdu.
W lěću 2006 nawróći so serbska kniharnja do domu. Něhdyšu hosćernju w přizemju historiskeho hosćenca wužiwa Smolerjec kniharnja dźensa jako předawarnju.
Photos
Photos