Serbski hosćenc „Wjelbik“
Place
Wokrjes Budyšin
Place
Wokrjes Budyšin
Coordinates
51.18205
14.4252
14.4252
Coordinates
51.18205
14.4252
Category
About the object
Unfortunately, this description is not available in English right now.
Wjelbik nasta w 1970tych lětach jako klubownja Ansambla za serbsku ludowu kulturu a serbskeje inteligency w Budyšinje. Wot lěta 1991 je zjawny hosćenc a je sej wulke dźěle swojeho wuměłskeho wuhotowanja zdźeržał.
Prěnje plany wudźěłachu zamołwići w lěće 1971, twarske dźěła zahajichu 1973. Zaměr bě wutworjenje kulturelneho srjedźišća za serbskich wuměłcow, spisowaćelow a kulturnikow jako naslědnik z 1950tych lět w Serbskim domje eksistowaceho „Kluba Serbski dom”. Rumnosće wyše hosćenca stejachu wot lěta 1977 přistajenym ansambla jako bydlenja k dispoziciji. Klubownja sama bu 19. januara 1978 wotewrjena. W twarjenju namakamy dwě hóstnej rumnosći, jedna z njeju je w historiskim wjelbiku zaměstnjena.
Nutřkowne wuhotowanje přewzachu serbscy wuměłcy a serbske wuměłče: Wórša Lanzyna a Steffen Langa za delnju hóstnu rumnosć we wjelbiku kaž tež Jan Hempel za hornju rumnosć. Do wuhotowanja słušatej škleńčanej mozaikaj: jedyn we foyeru (Jan Hempel) z kwětkowymi a folklornymi motiwami, dalši w hóstnej rumnosći (Steffen Langa) z motiwom Slepjanskich ludowych hercow. Wobě twórbje buštej w Jablonecu (Čěska) zhotowjenej. Nimo toho stwori Steffen Langa wjacore zaškleńčne mólby a karikatury serbskich wuměłcow a spisowaćelow.
Klubownja njebě zjawnosći přistupna, słužeše jako zetkanišćo ansamblowych čłonow a serbskich kulturnikow. Pod nawodom Bena Budarja wotměwachu tu prawidłownje čitanja, hudźbne wječory a podobne zarjadowanja. Po politiskim přewróće bu klubownja 1990/1991 rozpušćena.
1991 přewzaštaj Stefan a Weronika Malink rumnosće jako wotnajerjej a wotewrještaj zjawny hosćenc „Wjelbik“. Při tym so bytostne dźěle prěnjotneho nutřkowneho wuhotowanja zdźeržachu.
W zwisku z wobnowjenjom 2012 so škleńčany mozaik w hóstnej rumnosći z nowym wołojowym woknom naruna. Ralf Reimann stwori twórbu po motiwach serbskich powěsćowych figurow wot Měrćina Nowka-Njechorńskeho (hadźacy kral, wódny muž, připołdnica). Wokno zhotowi Budyska Gerberec škleńcarnja. Prěnjotny mozaik Steffena Langi přepodachu Serbskemu kulturnemu centrumej w Slepom.
About the object
Unfortunately, this description is not available in English right now.
Wjelbik nasta w 1970tych lětach jako klubownja Ansambla za serbsku ludowu kulturu a serbskeje inteligency w Budyšinje. Wot lěta 1991 je zjawny hosćenc a je sej wulke dźěle swojeho wuměłskeho wuhotowanja zdźeržał.
Prěnje plany wudźěłachu zamołwići w lěće 1971, twarske dźěła zahajichu 1973. Zaměr bě wutworjenje kulturelneho srjedźišća za serbskich wuměłcow, spisowaćelow a kulturnikow jako naslědnik z 1950tych lět w Serbskim domje eksistowaceho „Kluba Serbski dom”. Rumnosće wyše hosćenca stejachu wot lěta 1977 přistajenym ansambla jako bydlenja k dispoziciji. Klubownja sama bu 19. januara 1978 wotewrjena. W twarjenju namakamy dwě hóstnej rumnosći, jedna z njeju je w historiskim wjelbiku zaměstnjena.
Nutřkowne wuhotowanje přewzachu serbscy wuměłcy a serbske wuměłče: Wórša Lanzyna a Steffen Langa za delnju hóstnu rumnosć we wjelbiku kaž tež Jan Hempel za hornju rumnosć. Do wuhotowanja słušatej škleńčanej mozaikaj: jedyn we foyeru (Jan Hempel) z kwětkowymi a folklornymi motiwami, dalši w hóstnej rumnosći (Steffen Langa) z motiwom Slepjanskich ludowych hercow. Wobě twórbje buštej w Jablonecu (Čěska) zhotowjenej. Nimo toho stwori Steffen Langa wjacore zaškleńčne mólby a karikatury serbskich wuměłcow a spisowaćelow.
Klubownja njebě zjawnosći přistupna, słužeše jako zetkanišćo ansamblowych čłonow a serbskich kulturnikow. Pod nawodom Bena Budarja wotměwachu tu prawidłownje čitanja, hudźbne wječory a podobne zarjadowanja. Po politiskim přewróće bu klubownja 1990/1991 rozpušćena.
1991 přewzaštaj Stefan a Weronika Malink rumnosće jako wotnajerjej a wotewrještaj zjawny hosćenc „Wjelbik“. Při tym so bytostne dźěle prěnjotneho nutřkowneho wuhotowanja zdźeržachu.
W zwisku z wobnowjenjom 2012 so škleńčany mozaik w hóstnej rumnosći z nowym wołojowym woknom naruna. Ralf Reimann stwori twórbu po motiwach serbskich powěsćowych figurow wot Měrćina Nowka-Njechorńskeho (hadźacy kral, wódny muž, připołdnica). Wokno zhotowi Budyska Gerberec škleńcarnja. Prěnjotny mozaik Steffena Langi přepodachu Serbskemu kulturnemu centrumej w Slepom.
Photos