Serbski muzej
Place
Wokrjes Budyšin
Place
Wokrjes Budyšin
Coordinates
51.18337
14.41938
14.41938
Coordinates
51.18337
14.41938
Category
About the object
Unfortunately, this description is not available in English right now.
W něhdyšej sólnicy na Budyskim hrodźe je wot lěta 1971 Serbski muzej zaměstnjeny. Tutón je centralna muzealna institucija, kotraž wěnuje so stawiznam a kulturje Serbow w Hornjej Łužicy. Z tym pokročuje tradiciju w lěće 1904 w Serbskim domje załoženeho muzeja.
Sólnica je w lěće 1782 natwarjeny skład w barokowym stilu a słuša do najstaršich zdźeržanych profanowych twarjenjow hrodu. Z lěta 1971 je tule Serbski muzej zaměstnjeny.
Impuls k zarjadowanju Serbskeho muzeja da Sakska wustajeńca za rjemjesło a wuměłske přemysło w Drježdźanach 1896. W lětach 1897-1904 nasta z nowotwarom Serbskeho domu so hodźacy domicil. Ze swjatočnym woswjećenjom wotewrichu tež muzej. Zakład zběrki tworjachu wubrane eksponaty z Drježdźanskeje wustajeńcy. Po zakazu zjawneho serbskeho žiwjenja 1937 so muzej zawrě. Dźěle zběrki dóstachu so do priwatneho wobsydstwa, zbytna zběrka so 1941/1942 rozpušći a bu do Budyskeho měšćanskeho muzeja přenjesena.
W lěće 1957 so muzej pod mjenom „Muzej za serbske stawizny a kulturu“ znowa załoži. Njesamostatna institucija zaměstni so spočatnje do Wojerowskeho hrodu, w kotrymž běchu jenož běrowowe, magacinowe a małe wustajeńcowe rumnosće.
1971 přepołožichu muzej do Budyšina a zaměstnichu jeho do sólnicy na Budyskim hrodźe. Wot lěta 1973 je dźěl zwjazka Budyskich muzejow. Po wobšěrnej rekonstrukciji twarjenja 1987-1989 a organizaciskim zesamostatnjenju 1. januara 1988 so institucija pod historiskim mjenom „Serbski muzej“ w juniju 1989 znowa wotewrě.
About the object
Unfortunately, this description is not available in English right now.
W něhdyšej sólnicy na Budyskim hrodźe je wot lěta 1971 Serbski muzej zaměstnjeny. Tutón je centralna muzealna institucija, kotraž wěnuje so stawiznam a kulturje Serbow w Hornjej Łužicy. Z tym pokročuje tradiciju w lěće 1904 w Serbskim domje załoženeho muzeja.
Sólnica je w lěće 1782 natwarjeny skład w barokowym stilu a słuša do najstaršich zdźeržanych profanowych twarjenjow hrodu. Z lěta 1971 je tule Serbski muzej zaměstnjeny.
Impuls k zarjadowanju Serbskeho muzeja da Sakska wustajeńca za rjemjesło a wuměłske přemysło w Drježdźanach 1896. W lětach 1897-1904 nasta z nowotwarom Serbskeho domu so hodźacy domicil. Ze swjatočnym woswjećenjom wotewrichu tež muzej. Zakład zběrki tworjachu wubrane eksponaty z Drježdźanskeje wustajeńcy. Po zakazu zjawneho serbskeho žiwjenja 1937 so muzej zawrě. Dźěle zběrki dóstachu so do priwatneho wobsydstwa, zbytna zběrka so 1941/1942 rozpušći a bu do Budyskeho měšćanskeho muzeja přenjesena.
W lěće 1957 so muzej pod mjenom „Muzej za serbske stawizny a kulturu“ znowa załoži. Njesamostatna institucija zaměstni so spočatnje do Wojerowskeho hrodu, w kotrymž běchu jenož běrowowe, magacinowe a małe wustajeńcowe rumnosće.
1971 přepołožichu muzej do Budyšina a zaměstnichu jeho do sólnicy na Budyskim hrodźe. Wot lěta 1973 je dźěl zwjazka Budyskich muzejow. Po wobšěrnej rekonstrukciji twarjenja 1987-1989 a organizaciskim zesamostatnjenju 1. januara 1988 so institucija pod historiskim mjenom „Serbski muzej“ w juniju 1989 znowa wotewrě.
Photos