XS
SM
MD
LG
XL
XXL
🌐

Wopomnjenska tafla Ernsta Thälmanna na bywšim Serbskim zarjedźe

Place
Budyšin
Place
Budyšin
Coordinates
51.17423
14.42967
Coordinates
51.17423
14.42967
Category
memorials and commemorative plaques
buildings
Category
memorials and commemorative plaques
buildings
About the object
Unfortunately, this description is not available in English right now.

Na zapadnej fasadźe něhdyšeho Serbskeho kulturneho a kubłanskeho zarjada (skrótka „Serbski zarjad“) wopomina zornowcowa tafla z dwurěčnym napismom a portretowym medaljonom na Ernsta Thälmanna. W tutym domje bě 1948 na krótki čas Serbski kulturny a kubłanski zarjad zaměstnjeny. Bě to prěnja statna institucija, kotraž měješe sakski Serbski zakoń přesadźić.
Třiposchodowe twarjenje, w kotrymž měješe Serbski kulturny a kubłanski zarjad swoje sydło, nosy při zapadnej muri wopomnjensku taflu za Ernsta Thälmanna. Tafla je z łužiskeho zornowca zhotowjena, napis we wołojowych pismikach je w němskej a hornjoserbskej rěči. Wyše njeje wuhladamy medaljon z čerwjeneho zornowca, kotryž pokazuje portret předsydy KPD Ernsta Thälmanna (1886–1944), kotrehož běchu w koncentraciskim lěhwje w Buchenwaldźe zamordowali.
Dom bě w lěće 1948 na krótki čas sydło Serbskeho zarjada, institucije, kotraž słužeše spěchowanju serbskeje kultury a serbskeho kubłanja. Tutón statny zarjad bě dźěl sakskeho ministerstwa za ludowe kubłanje a bu dnja 3. meje 1948, na zakładźe 23. měrca 1948 schwaleneho „serbskeho zakonja“, załoženy. Prěni nawoda zarjada bě Pawoł Nedo, pozdźiši dołholětny předsyda Domowiny.
Wopomnjenska tafla bu w lěće 1979 składnostnje 30. róčnicy NDR swjatočnje wotkryta. Runočasnje wujasnjowaše pomjenowanje tehdyšeje Ernsta-Thälmannoweje-dróhi (wot 1990 zaso Dwórnišćowa dróha). Taflu je produkciske drustwo rjemjesła z łužiskeho zornowca zhotowiła.
About the object
Unfortunately, this description is not available in English right now.
Na zapadnej fasadźe něhdyšeho Serbskeho kulturneho a kubłanskeho zarjada (skrótka „Serbski zarjad“) wopomina zornowcowa tafla z dwurěčnym napismom a portretowym medaljonom na Ernsta Thälmanna. W tutym domje bě 1948 na krótki čas Serbski kulturny a kubłanski zarjad zaměstnjeny. Bě to prěnja statna institucija, kotraž měješe sakski Serbski zakoń přesadźić.
Třiposchodowe twarjenje, w kotrymž měješe Serbski kulturny a kubłanski zarjad swoje sydło, nosy při zapadnej muri wopomnjensku taflu za Ernsta Thälmanna. Tafla je z łužiskeho zornowca zhotowjena, napis we wołojowych pismikach je w němskej a hornjoserbskej rěči. Wyše njeje wuhladamy medaljon z čerwjeneho zornowca, kotryž pokazuje portret předsydy KPD Ernsta Thälmanna (1886–1944), kotrehož běchu w koncentraciskim lěhwje w Buchenwaldźe zamordowali.
Dom bě w lěće 1948 na krótki čas sydło Serbskeho zarjada, institucije, kotraž słužeše spěchowanju serbskeje kultury a serbskeho kubłanja. Tutón statny zarjad bě dźěl sakskeho ministerstwa za ludowe kubłanje a bu dnja 3. meje 1948, na zakładźe 23. měrca 1948 schwaleneho „serbskeho zakonja“, załoženy. Prěni nawoda zarjada bě Pawoł Nedo, pozdźiši dołholětny předsyda Domowiny.
Wopomnjenska tafla bu w lěće 1979 składnostnje 30. róčnicy NDR swjatočnje wotkryta. Runočasnje wujasnjowaše pomjenowanje tehdyšeje Ernsta-Thälmannoweje-dróhi (wot 1990 zaso Dwórnišćowa dróha). Taflu je produkciske drustwo rjemjesła z łužiskeho zornowca zhotowiła.
Object description author
Malinkowa, Trudla
(12/01/2025)
Object description author
Malinkowa, Trudla
(12/01/2025)
References
zum Serbski zarjad: Kulturny zarjad dźěła!, Nowa doba 2(19.5.1948)38 Franc Rajš, Před 50 lětami załoži so Serbski zarjad, Rozhlad 48(1998)5, S. 198–199 zur Gedenktafel: Budyšin w zašłych dnjach, Nowa doba 33(9.10.1979)238, S. 4 Walter Starke, Menschen seid wachsam!, Bautzener Kulturschau 30(1980)9, S. 4
References
zum Serbski zarjad: Kulturny zarjad dźěła!, Nowa doba 2(19.5.1948)38 Franc Rajš, Před 50 lětami załoži so Serbski zarjad, Rozhlad 48(1998)5, S. 198–199 zur Gedenktafel: Budyšin w zašłych dnjach, Nowa doba 33(9.10.1979)238, S. 4 Walter Starke, Menschen seid wachsam!, Bautzener Kulturschau 30(1980)9, S. 4
Photos
Photos