Wo leksikonje
Serbski biografiski leksikon je projekt Serbskeho instituta. Wón zwjazuje biografiske slědźenja instituta a nawjazuje na starše serbske biografiske přiručki, mjez nimi Nowy biografiski słownik, wudaty 1984.
Přiwzate budu zemrěte wosoby z rozdźělnych wobłukow žiwjenja, kotrychž žiwjenje a skutkowanje stej wažnej za serbske stawizny a kulturu. Leksikon zwjazuje krótke přehlady a wědomostnje wobdźěłane biografije z historiskimi žiwjenjoběhami a pokazkami na dalše žórła. Tak hodźi so tež slědować, kak stej so předstajenje a hódnoćenje wosoby w běhu časa změniłoj.
Biografiske zakładne informacije so w němskej, hornjoserbskej a delnjoserbskej rěči k dispoziciji stajeja. Poskitk so na slědźenje a wučenje, šule a zajmowanu zjawnosć wusměrja. Wón so wobstajnje rozšěrja a na zakładźe nowych slědźerskich wuslědkow aktualizuje.
Projektowy team
- Cyłkowne nawodnistwo
- Dr. Friedrich Pollack
- Wědomostne wobdźěłanje
- Dr. Edmund Pech
- Techniska koncepcija a realizacija
- Dr. Hans-Peter Ederberg (hač do 2025), Alf-Christian Schering, Svetlana Yakutina, Filip Budar
Dźakujemy so Oleksandrej Balychevej, Luciji Pech a Elisabeth Pöpel, kotřiž su jako pomocni sobudźěłaćerjo na realizaciji projekta sobu skutkowali.
Maće pokazki za redakciju? Pisajće nam: sbl@serbski-institut.de