XS
SM
MD
LG
XL
XXL
🌐

Serbski ludowy ansambl

Město
Budyšin
Město
Budyšin
Koordinaty
51.18015
14.42292
Koordinaty
51.18015
14.42292
Kategorija
twarjenja
Kategorija
twarjenja
Wo objekće
W markantnym kompleksu twarjenjow mjez Lawskej wěžu a Mostom měra je wot lěta 1952 Serbski ludowy ansambl zaměstnjeny. Ansambl je jenička profesionelna institucija k hajenju a dalewuwiću serbskeje rejowanskeje a hudźbneje kultury. Hižo w 19. lětstotku bě dom wažne zetkanišćo serbskich towarstwow a intelektuelnych.
Mjez Lawskej wěžu a Mostom měra, při Wonkownej Lawskej hasy, wyše Sprjewje namakamy kompleks twarjenjow, w kotrymž ma wot lěta 1952 Serbski ludowy ansambl (SLA) swoje sydło. Ansambl bu w januarje lěta 1952 jako prěni profesionelny serbski ansambl ludoweje kultury w stawiznach Serbow załoženy. Prěni zjawny wustup wotmě so 21. decembra 1952 w Choćebuzu, prěnje zarjadowanje w Budyšinje sćěhowaše 3. januara 1953. Hač do dźensnišeho je jenička powołanska institucija, kotraž so hajenju, wuslědźenju a wuměłskemu dalewuwiću serbskeje folklory wěnuje. Nimo reje, hudźby a spěwanja wobchowa ansambl tež herbstwo serbskeje klasiskeje hudźby.
Twarjenja zhladuja při tym na dlěše kulturne stawizny. W 19. lětstotku eksistowaše na tutym městnje Thiermannec restawracija, woblubowany lokal za wulěty z tak mjenowanej „Ludowej zahrodu”. Lokal běše wuznamne srjedźišćo serbskeho towarstwoweho žiwjenja. W lětach 1873, 1877 a 1883/1884 wotměchu so tu hłowne zhromadźizny Maćicy serbskeje, serbskeje wědomostno-kulturelneje towaršnosće. Wokoło 1875 zeńdźe so w hosćencu prawidłownje koło načolnych serbskich intelektualnych, tak mjenowane „Serbske blido“.
Tež susodna „Ludowa zahroda“ měješe wažnu rólu za kulturelne žiwjenje w Budyšinje. Tule wuhotowachu 1869/1870 čłonojo „Budyskeje Serbskeje Bjesady“ swoje swjedźenje, 1871 schadźowaše so tam tohorunja Maćica Serbska.
Ze załoženjom a zasydlenjom Serbskeho ludoweho ansambla po Druhej swětowej wójnje nawjazuje tuta městnosć na swoju kulturelnu tradiciju a stanje so znowa ze srjedźišćom serbskeho wuměłstwa a serbskeje identity w měsće.
Wo objekće
W markantnym kompleksu twarjenjow mjez Lawskej wěžu a Mostom měra je wot lěta 1952 Serbski ludowy ansambl zaměstnjeny. Ansambl je jenička profesionelna institucija k hajenju a dalewuwiću serbskeje rejowanskeje a hudźbneje kultury. Hižo w 19. lětstotku bě dom wažne zetkanišćo serbskich towarstwow a intelektuelnych.
Mjez Lawskej wěžu a Mostom měra, při Wonkownej Lawskej hasy, wyše Sprjewje namakamy kompleks twarjenjow, w kotrymž ma wot lěta 1952 Serbski ludowy ansambl (SLA) swoje sydło. Ansambl bu w januarje lěta 1952 jako prěni profesionelny serbski ansambl ludoweje kultury w stawiznach Serbow załoženy. Prěni zjawny wustup wotmě so 21. decembra 1952 w Choćebuzu, prěnje zarjadowanje w Budyšinje sćěhowaše 3. januara 1953. Hač do dźensnišeho je jenička powołanska institucija, kotraž so hajenju, wuslědźenju a wuměłskemu dalewuwiću serbskeje folklory wěnuje. Nimo reje, hudźby a spěwanja wobchowa ansambl tež herbstwo serbskeje klasiskeje hudźby.
Twarjenja zhladuja při tym na dlěše kulturne stawizny. W 19. lětstotku eksistowaše na tutym městnje Thiermannec restawracija, woblubowany lokal za wulěty z tak mjenowanej „Ludowej zahrodu”. Lokal běše wuznamne srjedźišćo serbskeho towarstwoweho žiwjenja. W lětach 1873, 1877 a 1883/1884 wotměchu so tu hłowne zhromadźizny Maćicy serbskeje, serbskeje wědomostno-kulturelneje towaršnosće. Wokoło 1875 zeńdźe so w hosćencu prawidłownje koło načolnych serbskich intelektualnych, tak mjenowane „Serbske blido“.
Tež susodna „Ludowa zahroda“ měješe wažnu rólu za kulturelne žiwjenje w Budyšinje. Tule wuhotowachu 1869/1870 čłonojo „Budyskeje Serbskeje Bjesady“ swoje swjedźenje, 1871 schadźowaše so tam tohorunja Maćica Serbska.
Ze załoženjom a zasydlenjom Serbskeho ludoweho ansambla po Druhej swětowej wójnje nawjazuje tuta městnosć na swoju kulturelnu tradiciju a stanje so znowa ze srjedźišćom serbskeho wuměłstwa a serbskeje identity w měsće.
Awtor:ka wopisanja objekta
Malinkowa, Trudla
(01.12.2025)
Awtor:ka wopisanja objekta
Malinkowa, Trudla
(01.12.2025)
Podaća literatury
Stadtplan Bautzen um 1870, in: J. A. v. Wagner, Bautzen und seine Umgebung. Führer für Techniker, Industrielle, Geschichts- und Alterthumsfreunde, Geognosten, Botaniker, Touristen etc., ohne Ort und Jahr (vermutlich nach 1870) Stadtplan Bautzen von 1900 F. Wilhelm, Führer durch Bautzen und seine Umgebung, Bautzen o. J. (um 1907), S. 10, 38 Sigmund Musiat, Serbske blida – towaršliwe zetkanki Serbow (VI), Rozhlad 40 (1990) 6, S. 178–179 Sigmund Musiat, Serbja w Budyšinje (7): Budyscy serbscy korčmarjo serbstwo w 19. lětstotku spěchowali, Rozhlad 52 (2002) 9, S. 306–311 Miriam Schönbach, Von rauschenden Bällen und dem singenden Wirt, Sächsische Zeitung 22./23.10.2011, S. 16 Pawoł Nedo, Serbski ludowy ansambl, Rozhlad 3 (1953) 1, S. 2–8 I. Seidelec, Serbski ludowy ansambl přihotowany za premjeru, Nowa doba 6 (20.12.1952)151 md, Serbski ludowy ansambl steji, Nowa doba 6 (25.12.1952) 153
Podaća literatury
Stadtplan Bautzen um 1870, in: J. A. v. Wagner, Bautzen und seine Umgebung. Führer für Techniker, Industrielle, Geschichts- und Alterthumsfreunde, Geognosten, Botaniker, Touristen etc., ohne Ort und Jahr (vermutlich nach 1870) Stadtplan Bautzen von 1900 F. Wilhelm, Führer durch Bautzen und seine Umgebung, Bautzen o. J. (um 1907), S. 10, 38 Sigmund Musiat, Serbske blida – towaršliwe zetkanki Serbow (VI), Rozhlad 40 (1990) 6, S. 178–179 Sigmund Musiat, Serbja w Budyšinje (7): Budyscy serbscy korčmarjo serbstwo w 19. lětstotku spěchowali, Rozhlad 52 (2002) 9, S. 306–311 Miriam Schönbach, Von rauschenden Bällen und dem singenden Wirt, Sächsische Zeitung 22./23.10.2011, S. 16 Pawoł Nedo, Serbski ludowy ansambl, Rozhlad 3 (1953) 1, S. 2–8 I. Seidelec, Serbski ludowy ansambl přihotowany za premjeru, Nowa doba 6 (20.12.1952)151 md, Serbski ludowy ansambl steji, Nowa doba 6 (25.12.1952) 153
Fota