XS
SM
MD
LG
XL
XXL
🌐

Mukowy row na Michałskim kěrchowje

Město
Budyšin
Město
Budyšin
Koordinaty
51.18431
14.44004
Koordinaty
51.18431
14.44004
Kategorija
pohrjebnišća
Kategorija
pohrjebnišća
Wo objekće
Arnošt Muka (1854-1932) płaći jako najwuznamniši serbski wědomostnik swojeje doby a jako wjelestronski organizator serbskeho narodneho a kulturelneho žiwjenja. Jeho namrěwstwowy row na Budyskim Michałskim kěrchowje je na rownišćo podobny a z nahladnym narownym kamjenjom ze syenita a zornowca wuhotowany.
Arnošt Muka zemrě 10. winowca 1932 w Budyšinje. Jeho přeću wotpowědujo bu spočatnje na kěrchowje na Hrodźišću, w bliskosći rowa Jana Arnošta Smolerja, pochowany. Jeho žona Loska Mukowa da ćěło 17. oktobra 1934 na Michałski kěrchow přepołožić, po tym zo bě tam namrěwstwowy row kupiła a załožbu za trajne hladanje rownišća załožiła.
Namrěwstwowy row namakamy při zapadnej muri Michałskeho kěrchowa. Ze třoch bokow je ze zornowcowymi prohami wobhrodźeny, kotrež mějachu spočatnje płót z kowaneho železa. Na rowje rostu tuja, blušć a zemju pokrywace rostliny. Wuska, z łamanymi kamjenjemi wukładźena šćežka zmóžni přistup. Cyły row je na rownišćo podobny wuhotowany, před kamjenjom namakamy wobhrodźeny rowny pokryw ze syenitowych a zornowcowych platow. Narowny kamjeń steji na niskim podesće, je něhdźe 1,9 metrow wysoki a kónči so w na kćenjowy pupk podobnej formje. Do narowneho kamjenja stej łaćonski křiž z wěncom pruhow, kaž tež napis w serbskej rěči zadypanej. Zbytki barby na to pokazuja zo běštej napis a křiž drje prěnjotnje ze złoćanej barbu wumolowanej.
Wo objekće
Arnošt Muka (1854-1932) płaći jako najwuznamniši serbski wědomostnik swojeje doby a jako wjelestronski organizator serbskeho narodneho a kulturelneho žiwjenja. Jeho namrěwstwowy row na Budyskim Michałskim kěrchowje je na rownišćo podobny a z nahladnym narownym kamjenjom ze syenita a zornowca wuhotowany.
Arnošt Muka zemrě 10. winowca 1932 w Budyšinje. Jeho přeću wotpowědujo bu spočatnje na kěrchowje na Hrodźišću, w bliskosći rowa Jana Arnošta Smolerja, pochowany. Jeho žona Loska Mukowa da ćěło 17. oktobra 1934 na Michałski kěrchow přepołožić, po tym zo bě tam namrěwstwowy row kupiła a załožbu za trajne hladanje rownišća załožiła.
Namrěwstwowy row namakamy při zapadnej muri Michałskeho kěrchowa. Ze třoch bokow je ze zornowcowymi prohami wobhrodźeny, kotrež mějachu spočatnje płót z kowaneho železa. Na rowje rostu tuja, blušć a zemju pokrywace rostliny. Wuska, z łamanymi kamjenjemi wukładźena šćežka zmóžni přistup. Cyły row je na rownišćo podobny wuhotowany, před kamjenjom namakamy wobhrodźeny rowny pokryw ze syenitowych a zornowcowych platow. Narowny kamjeń steji na niskim podesće, je něhdźe 1,9 metrow wysoki a kónči so w na kćenjowy pupk podobnej formje. Do narowneho kamjenja stej łaćonski křiž z wěncom pruhow, kaž tež napis w serbskej rěči zadypanej. Zbytki barby na to pokazuja zo běštej napis a křiž drje prěnjotnje ze złoćanej barbu wumolowanej.
Awtor:ka wopisanja objekta
Malinkowa, Trudla
(01.12.2025)
Awtor:ka wopisanja objekta
Malinkowa, Trudla
(01.12.2025)
Podaća literatury
zur Grabstätte auf dem Protschenberg- und auf dem Michaelisfriedhof: Swjatočne pokhowanje dra. Arnošta Muki, Serbske Nowiny 91 (15.10.1932) 243, Beilage Ota Wićaz, Mukowy kralowski puć na Hrodźišćo, Łužica 47 (1932) 10, S. 53–56 Jurij Młynk, Serbske pomniki, Bautzen 1965, S. 17–20 Jan Petr, Arnošt Muka – Žiwjenje a skutkowanje serbskeho prócowarja, Bautzen 1984, S. 46 Rudolf Kilank, Wotmołwa nablaku: Serb hač do kónca, Serbske Nowiny 7 (5.12.1997) 234, S. 3 Lutz Jungrichter, Bautzener Grabmale: Michaelisfriedhof, Maschinenschrift, Stadtverwaltung Bautzen, Kulturamt Unterlagen der Friedhofsverwaltung des Michaelisfriedhofes (siehe beiliegende Kopien) zu Prof. Dr. Ernst Mucke / Prof. Dr. Arnošt Muka Ota Wićaz, Dr. Arnošt Muka, Bautzen 1924 Jan Petr, Arnošt Muka – Žiwjenje a skutkowanje serbskeho prócowarja, Bautzen 1978, S. Nowy biografiski słownik k stawiznam a kulturje Serbow, Bautzen 1984, S. 400–401
Podaća literatury
zur Grabstätte auf dem Protschenberg- und auf dem Michaelisfriedhof: Swjatočne pokhowanje dra. Arnošta Muki, Serbske Nowiny 91 (15.10.1932) 243, Beilage Ota Wićaz, Mukowy kralowski puć na Hrodźišćo, Łužica 47 (1932) 10, S. 53–56 Jurij Młynk, Serbske pomniki, Bautzen 1965, S. 17–20 Jan Petr, Arnošt Muka – Žiwjenje a skutkowanje serbskeho prócowarja, Bautzen 1984, S. 46 Rudolf Kilank, Wotmołwa nablaku: Serb hač do kónca, Serbske Nowiny 7 (5.12.1997) 234, S. 3 Lutz Jungrichter, Bautzener Grabmale: Michaelisfriedhof, Maschinenschrift, Stadtverwaltung Bautzen, Kulturamt Unterlagen der Friedhofsverwaltung des Michaelisfriedhofes (siehe beiliegende Kopien) zu Prof. Dr. Ernst Mucke / Prof. Dr. Arnošt Muka Ota Wićaz, Dr. Arnošt Muka, Bautzen 1924 Jan Petr, Arnošt Muka – Žiwjenje a skutkowanje serbskeho prócowarja, Bautzen 1978, S. Nowy biografiski słownik k stawiznam a kulturje Serbow, Bautzen 1984, S. 400–401
Fota
Fota