Žiwe kulturne herbstwo
Nowolětka
K Nowemu lětu a Třom kralam su so małe chlěby w zwěrjećich postawach, tak mjenowane nowolětka, pjekli, kotrež su so skotej do picy změšeli, zo by strowy wostał. W prjedawšich časach su dźěći nowolětka tež swojim kmótram darili. Z nałožka, kotryž je so zdźěla hač do 1920tych lět zdźeržał, je so nowa tradicija wuwiwała, kotraž so předewšěm w pěstowarnjach a šulach haji. Tu formuja a pjeku dźěći wšelake zwěrjace figury, zo bychu je dale darili.
Je to žiwe kulturne herbstwo, kotrež je dynamiske. To rěka, zo so přez generacije přeco zaso w strukturje abo we wobsahu přeměnja a přiměrja a so takle traděruje a žiwe wostanje.
