Camprowanje

Camprowanje je ćah předrasćenych wosobow we wšelakich skupinach (na př. młodostni, ženjeni mužojo a wudate žony, dźensa tež měšane skupiny a dźěći), kotrež ćahaja z přewodom hercow dom wot domu. W staršej literaturje su specifiske kostimy camprowarjow dokładźene, na přikład słomjany mjedwjedź, baćon, jěchar na šumjelu abo tež figura „stary młodeho njese“ kaž tež jejkowa žona. Je to zwjetša muž w žonjacej drasće, kotryž njese jejowy korb. Dźensa so tež druhe kostimy wužiwaja, na přikład klawnowe, zwěrjace a druhe. Po reji z hospozu a škleńcy palenca dóstanu camprowarjo jejka a pjenjezy. Nahromadźene žiwidła so potom na rejwanskim wječorje camprowanskeje towaršnosće zhromadnje zjědźa.

…

Previous Next